Síolta

An Chreatlach Naisiúnta Cailíochta d'Oideachas na Luath-Óige



RÁITIS LÁRNACHA

AMHARC AR NA LÁMHLEABHAIR

Tuilleadh eolais ó:

Aonad Pholasaí an Luathoideachais, An Roinn Oideachais agus Scileanna, Teach Haicín, Sráid Haicín, Baile Átha Cliath 2.

Fón: 01 674 3227/3228

Ranganna na Naíonán

Caighdeán 4: Comhairliúchán

Má táthar chun deimhin a dhéanamh de go mbíonn chuile dhuine rannpháirteach i gcinneadh a ghlacadh, tá gá le comhairliúchán a chuireann rannpháirtíocht chun cinn, a lorgaíonn dearcaidh agus tuairimí páistí, tuismitheoirí, lucht foirne, agus páirtithe leasmhara eile de réir mar is cuí, a éisteann leo agus a ghníomhaíonn dá réir.

Comhpháirt 4.1 | Comhpháirt 4.2

Comhpháirt 4.1 - Lorgaíonn foireann an tsuímh cabhair agus comhairle ó raon leathan páirtithe leasmhara maidir le próisis déanta cinnidh agus straitéisí ar mhaithe le forbairt agus soláthar na seirbhíse.

Deis Mhachnaimh

4.1.1

Cén dóigh a spreagann an scoil comhchomhairle leis an bhfoireann, tuismitheoirí, páistí agus páirtithe leasmhara cuí eile?

Smaoinigh ar: (m. sh.)

  • Bíonn cruinnithe foirne rialta ann don fhoireann chun a riachtanais a shainaithint
  • Éascaítear múinteoirí agus foireann eile chun tuairimí a roinnt trí fhóram cuí (m. sh., grúpchruinnithe rialta, boscaí moltaí, ionchur i gcinntí ceannaigh, &rl.)
  • Díospóireachtaí oscailte ar bhonn réitigh ar bhonn rialta laistigh den scoil
  • Tugtar deis do thuismitheoirí ionchur a bheith acu maidir le polasaithe agus gnásanna na scoile
  • Tugtar deiseanna do thuismitheoirí cruinnithe a bheith acu le múinteoirí chun forbairt, gnóthúcháin nó riachtanais/deacrachtaí a bpáiste a phlé Féach 3.1
  • Glacann an fhoireann go léir páirt i bhféinmheastóireacht bhliantúil na scoile
  • Tugtar an deis don fhoireann go léir a bhfeidhmiúchán féin a mheas
  • Tionóltar cruinnithe bliantúla ina dtugtar cuireadh do gach páirtí leasmhar a dtuairim féin a roinnt
  • Lorgaíonn múinteoirí ionchur ó thuismitheoirí faoin mbealach ina bhfuil a bpáiste gafa leis an gcuraclam
  • Déantar idirghníomhaíochtaí le raon leathan páirtithe leasmhara (m. sh., teaghlaigh, comhoibrithe, cúntóirí, seirbhísí pobail eile, oifigigh rialaithe nó oifigigh réachtúla eile, &rl.) a éascú i mbealach éifeachtúil agus éifeachtach
  • Cruthaíonn múinteoirí deiseanna go gníomhach chun go mbeadh páistí bainteach i ndéanamh cinntí aois-oiriúnacha maidir le forbairt an ranga/na scoile Féach 1.1

4.1.2

Cén plean a forbraíodh chun a chinntiú go ndéantar comhroinnt dhearcaí agus thuairimí a spreagadh go gníomhach agus a thaifeadadh mar is ceart? Féach 10.2

Smaoinigh ar: (m. sh.)

  • Tacú le múinteoirí/aosaigh ag obair sa scoil a bheith rannpháirteach lena chéile agus mar fhoireann
  • Díospóireacht a chur chun cinn i measc na bpáirtithe leasmhara ábhartha ar cheisteanna a bhaineann le cothú sláinte agus folláine an pháiste

4.1.3

Cad a thig leatsa/le do scoil a dhéanamh chun cumas an pháiste a fhorbairt maidir lena ndearcaí agus tuairimí a thabhairt ar cheisteanna a bhaineann lena n-eispéiris laethúla? Féach 5.4

Smaoinigh ar: (m. sh.)

  • Ceisteanna oscailte
  • Am a thabhairt do pháistí smaoineamh agus freagra a thabhairt
  • Páistí a spreagadh chun a meabraithe agus mothúcháin a ainmniú agus a roinnt
  • Rialú comhráite a roinnt leis an bpáiste
  • Páistí a bheith bainteach i réiteach ar fhadhb a fháil/roghnú

4.1.4

Cad iad na deiseanna atá ar fáil do pháistí chun pleananna a dhéanamh agus a bpleananna a léiriú don mhúinteoir/aosach cuí? Féach 7.3


4.1.5

Cén dóigh a léiríonn tú/do scoil meas ar spriocanna agus roghnachais tuismitheoirí dá bpáiste? Féach 3.3


4.1.6

Cén dóigh a ndéantar ionchur an pháiste, tuismitheoirí agus páirtithe leasmhara eile a thaifeadadh chun próisis déanta cinntí a chur in iúl?


4.1.7

Cén dóigh a dtugann tú/do scoil aiseolas do rannpháirtithe a chuathas i gcomhchomhairle leo?


Comhpháirt 4.2 - Cuireann foireann an tsuímh i bhfeidhm, de réir mar is cuí, comhairle an raon leathan páirtithe leasmhara maidir le próisis déanta cinnidh agus straitéisí ar mhaithe le forbairt agus soláthar na seirbhíse.

Deis Mhachnaimh

4.2.1

Cén dóigh a n-úsáidtear na dearcaí agus tuairimí a bailíodh trí chomhchomhairle le páirtithe leasmhara chun gach gné den chleachtas a athbhreithniú agus a athleasú go rialta?


4.2.2

Cén dóigh a ndéantar an fhoireann a spreagadh chun freagracht a ghlacadh as cur i bhfeidhm na ngníomhartha comhaontaithe? Féach 10.5


4.2.3

I do Phlean Scoile, an bhfuil mír agat ar pholasaithe agus ghnásanna a cumadh i gcomhchomhairle le tuismitheoirí, foireann, bord bainistíochta, agus, nuair is cuí, leis na páistí sa scoil?


4.2.4

Cén dóigh a gcinntíonn tú gur cáipéisí oibre atá i do chuid polasaithe agus gnásanna agus go ndéantar iad a athleasú agus a nuashonrú ar bhonn rialta? Féach 8.1


4.2.5

Cén dóigh a mbíonn tionchar ag comhairliúchán ar an bPlean Scoile?