Síolta

An Chreatlach Naisiúnta Cailíochta d'Oideachas na Luath-Óige



RÁITIS LÁRNACHA

AMHARC AR NA LÁMHLEABHAIR

Tuilleadh eolais ó:

Aonad Pholasaí an Luathoideachais, An Roinn Oideachais agus Scileanna, Teach Haicín, Sráid Haicín, Baile Átha Cliath 2.

Fón: 01 674 3227/3228

Feighlíocht Linbh

Caighdeán 4: Comhairliúchán

Má táthar chun deimhin a dhéanamh de go mbíonn chuile dhuine rannpháirteach i gcinneadh a ghlacadh, tá gá le comhairliúchán a chuireann rannpháirtíocht chun cinn, a lorgaíonn dearcaidh agus tuairimí páistí, tuismitheoirí, lucht foirne, agus páirtithe leasmhara eile de réir mar is cuí, a éisteann leo agus a ghníomhaíonn dá réir.

Comhpháirt 4.1 | Comhpháirt 4.2

Comhpháirt 4.1 - Lorgaíonn foireann an tsuímh cabhair agus comhairle ó raon leathan páirtithe leasmhara maidir le próisis déanta cinnidh agus straitéisí ar mhaithe le forbairt agus soláthar na seirbhíse.

Deis Mhachnaimh

4.1.1

Cén chaoi a spreagann tú comhchomhairle le daoine fásta eile, tuismitheoirí, leanaí agus páirtithe leasmhara cuí eile?

Smaoinigh ar: (m. sh.)

  • Freastal ar chruinnithe le feighlithe leanaí eile
  • Páirteach in eagraíochtaí luath-óige i do cheantar, m. sh. Coiste Cúraim Leanaí
  • Tugtar deis do thuismitheoirí ionchur a bheith acu i bpolasaithe agus nósanna imeachta do sheirbhíse
  • Tugtar deis do thuismitheoirí cruinnithe rialta a bheith acu leat chun forbairt/riachtanais/deacrachtaí an linbh a phlé Féach 3.1
  • Cruinnithe rialta chun comhairle agus tuairimí a fháil ó thuismitheoirí agus páirtithe leasmhara eile ar fhorbairt agus seachadadh do sheirbhíse
  • Ionchur a lorg ó thuismitheoirí faoi do churaclam/clár gníomhaíochtaí agus a chaidreamh do forbairt leanaí
  • Éascaítear idirghníomhaíochtaí le réimse leathan páirtithe leasmhara (m. sh. teaghlaigh, comhghleacaithe, cúntóirí, seirbhísí eile pobail, oifigigh rialacháin nó reachtúla eile, &rl.) ar bhealach éifeachtach
  • Cén chaoi a gcruthaíonn tú deiseanna chun go mbeidh leanaí páirteach i gcinnteoireacht a oireann dá n-aois maidir lena spás i do theach a fhorbairt Féach 1.1
  • Ongoing consultation with your own family
  • Comhairle leanúnach le do theaghlach féin

4.1.2

Cén plean atá forbartha chun a chinntiú go spreagtar tuairimí agus go ndéantar iad a thaifeadadh? Féach 10.2

Smaoinigh ar: (m. sh.)

  • Plé i measc lucht leasa cuí a chur chun cinn ar shaincheisteanna a bhaineann le sláinte agus leas leanaí a chothú

4.1.3

Cé na straitéisí a úsáideann daoine fásta chun cumas leanaí a spreagadh chun a ndearcaí agus a dtuairimí a roinnt ar shaincheisteanna maidir lena n-eispéiris laethúla? Féach 5.4

Smaoinigh ar: (m. sh.)

  • Ceisteanna oscailte
  • Am a thabhairt do leanaí smaoineamh agus freagairt
  • Leanaí a spreagadh chun a gcuid mothúchán a ainmniú agus a roinnt
  • Smacht comhráite a roinnt leis an leanbh
  • Leanaí páirteach i réiteach na faidhbe a fháil/roghnú

4.1.4

Cé na deiseanna atá ar fáil do leanaí chun pleananna a dhéanamh agus iad a insint duit? Féach 7.3


4.1.5

Cén chaoi a léiríonn tusa/do shuíomh meas ar spriocanna na dtuismitheoirí dá leanaí? Féach 3.3


4.1.6

Cén chaoi a ndéantar ionchur leanaí, tuismitheoirí, teaghlaigh agus páirtithe leasmhara cuí eile a thaifeadadh do na próisis chinnteoireachta?


4.1.7

Cén chaoi a dtugann tú aiseolas do na rannpháirtithe?


Comhpháirt 4.2 - Cuireann foireann an tsuímh i bhfeidhm, de réir mar is cuí, comhairle an raon leathan páirtithe leasmhara maidir le próisis déanta cinnidh agus straitéisí ar mhaithe le forbairt agus soláthar na seirbhíse.

Deis Mhachnaimh

4.2.1

Cén chaoi a ndéantar tuairimí páirtithe leasmhara a bhailítear trí chomhchomhairle a úsáid chun athbhreithniú rialta a dhéanamh ar gach gné de do chleachtas?


4.2.2

Cén chaoi a gcoinníonn tú taifead ar do pholasaithe agus nósanna imeachta?


4.2.3

Cén chaoi a gcinntíonn tú go gcuirtear na polasaithe agus nósanna imeachta i bhfeidhm agus go ndéantar athbhreithniú orthu go rialta? Féach 8.1


4.2.4

Cén chaoi a roinneann tú na polasaithe agus nósanna imeachta le tuismitheoirí agus páirtithe leasmhara eile agus, nuair is cuí, na leanaí sa suíomh?